Чарговая Жывая Бібліятэка пройдзе ў Бабруйску!
Жывыя Бібліятэкі ў Бабруйску праходзяць ужо 5-ы год. За гэты час чытачы знаёміліся і размаўлялі з кнігамі пра музыку і падарожжы, нацыянальныя меншасці і фемінізм, прыёмных дзяцей і няродных «бацькоў», разнастайныя прафесіі і г.д.
Працуе «Жывая Бібліятэка» гэтак жа, як і звычайна: чытачы прыходзяць, атрымліваюць «чытацкі білет», выбіраюць «кнігу» і «чытаюць» яе на працягу пэўнага часу.
Калі вы хочаце:
— абмеркаваць стэрэатыпы і пазбавіцца ад забабонаў у дачыненні да іншых людзей,
— задаць пытанні людзям-прадстаўнікам пэўных прафесій або сацыяльных груп,
— лепей разумець родных, сяброў, калег па працы, ад якіх вас аддзяляюць якія-небудзь адрозненні.
Тады чакаем вас на Жывой Бібліятэцы у Тайм-клубе «1387» у 13:00 26 студзеня.